1936/2026-2027 

Dated Khawzawl, the 25th August, 2026 : Vawiin khan Khawzawl District Level Coordination Committee on Civil Registration System chu a vawi khatna atan an Chairman Pu K. Vanlalthiana, Khawzawl Bawrhsap ni bawk kaihhruaiin DC Conference Hall, Khawzawlah an thukhawm.

He thutkhawmah hian Khawzawl District chhunga piang leh thi chhinchhiah a nih dan te, certificate digitization (khawla thun) dinhmun te, delayed registration pek chhuah a nih dan te sawiho a ni a. Thutkhawm leh huna thlirho theih turin Khawzawl District chhung khaw hrang hranga piang leh thi certificate pek chhuah zat leh delayed certificate pek chhuah zat pharh ni se tia rel niin, mipuiten hun tiam chhunga piang leh thi certificate an lak a pawimawhzia inhrilhhriatna neih dan tur te sawiho a ni bawk.

Bawrhsap Pu K. Vanlalthiana chuan piang leh thi tha taka chhinchhiah a nih loh chuan ram hmasawnna hnathawh thlengin a nghawng thu sawiin, delayed certificate pek chhuah kawngah pawh fimkhur a ngaih thu a sawi a. Birth/Death Certificate hluite pawh digitize vek a pawimawh thu sawiin, hemi kawngah chak zawka hma lak a ngaih thu a sawi.