872/2022-2023

Khawzawl the 11th June, 2022: Nimin tlai khan Khawzawl District Level SEDP Committee chu DC Conference Hall-ah an Chairman Bawrhsap Pu C.C. Lalchhuangkima hovin an thukhawm a, 22-Tuichang A/C hnuaia Village Level SEDP Committee ten Form-2 hmanga SEDP dawng tura rawtna an thehluhte chu an zirchiang a ni.

Pu C.C. Lalchhuangkima, Deputy Commissioner, Khawzawl chuan thusawiin, SEDP chu chhungkaw tinzawna duan Family Oriented a nih angin chhungkaw tam tak tan hmasawnna a thlen ngei a beisei thu a sawi a. SEDP chu dik taka a nihna ang taka hmang turin mipuite a chah a, Khawzawl chu District thar nimahsela, District upa zawkte tana entawn tlak, felfai leh belhchian dawla kalpui theuh turin department hrang hrang-te a sawm bawk a ni. 


Meeting-ah hian 22-Tuichang Assembly Constituency hnuaia khua 24 te atangin SEDP dawng tura rawtna Village Level SEDP Committee ten Form-2 hmanga District Level SEDP Committee hnena an thehluhte chu uluk takin zirchian a ni a. Department hrang hrangte atangin ngaihdan ngaihthlak a ni bawk. Tanpuina dawng tur mi 1500 thlan chhuah an ni a, hengte hi Form-3 hmangin Member Secretary, SEDP Executive Board-ah thehluh a ni ang.

Attachment

  • Loading attachment...