873/2022-2023

Aizawl the 11th June, 2022 : AMRUT scheme hnuaia Aizawl khawpui chhunga kawngsira tuiluan kawr side drain hnathawh mek chu tukkin khan Aizawl West II Bialtu MLA, Minister Pu Lalruatkima chuan a bial chhung hnathawh a enfiah.


Bialtu MLA Pu Lalruatkima chuan a bial chhunga hnathawh mek side drain siam chu nakin zela mipuiin kan hman tur anih avangin a siam dan phungah mipui tana tha tur a zau zawka siam a tul a ti a, tukina Kanan veng chhunga kawngsira an siam mek chu kawngpui an nek chu duh loin a thawk PWD Department hotute chu siamtha leh tura ngenin, an siam mek chu a hna athat rualin nakin zela kawngpui hauh (reserve) chu a pawimawh a tih thu PWD Department hotute a hrilh a ni. 

Tun dinhmunah hian AMRUT scheme hnuaia khawpui tih hmasawnna tura kawngpui sira tui luankawr siam mek hi package 3 a then niin a siamna tur hian sum cheng 12.99 Crore ruahman a ni a, heng hnathawk tur hian Contractor mi pathum R. Lalhnuna, C. Lalhluna leh Lalsawmliana te chu thlan niin tunah hian Package 1 bikah hnathawh tawh zat chu 65% niin, Package 2 ah 55% ani a, packages 3 ah 90% thawh tawh ani a. Side drain zauh zawng hi athen ah 2 feet niin a then ah 1.05 feet ani a, a bang chhah zawng hi 6 inches nitura ruahman niin Drain chung hi cement concrete a khuh vek tura ruahman a ni bawk. 

Tukina bialtu MLA leh RD Minister nibawk Pu Lalruatkima hova hnathawh mek enhona hun ah hian PWD hotute leh Local council hruaitu te an tel a ni.

Attachment

  • Loading attachment...