23/2026-2027

Dated Khawzawl, 2nd April, 2026: Vawiin chawhma dar 11:00 khan DC Conference Hall-ah Khawzawl District Monitoring Committee te an chairman leh Bawrhsap ni bawk Pu K. Vanlalthiana hovin Bana kaih chungchangah meeting an nei a ni.

Bawrhsap, Pu K. Vanlalthiana chuan Department te’n harsatna an neih dan te zawtin hnathawh danah hian duhthusam tak tak awm lo mahse, kan thawh that chuan hmasawnna hmuhtur a awm a, nidanga kan la hmuh ngailoh hmasawnna tamtak kan hmu thei chu lawmawm a tih thu sawiin, Theihtawpa kan thawh chuan mipuiten hma an sawn anga, mipuiin hma an sawn chuan ramin hma a sawn dawn tihna a ni a chuvangin theihtawpa thawk theuh turin department tinte a chah bakah Chairman chuan department tin te chu Progress Partner te thlen chin hriatpui a, an hmasawnna te thlithlai kawngah ṭan la leh zual turin a chah bawk a ni.

He meeting ah hian Bana Kaih scheme chungchanga Monitoring Committee  hmalakna hrang hrangte CM Special package, Progress partner-te hmalak tawhna leh an thlenchinte department hrang hrang atangin PowerPoint presentation hmanga thlirho leh ngaihthlak a ni.