22/2026-2027

Dated Saitual the 2nd April 2026 : Vawiin khan RD Minister Prof. Lalnilawma chuan a bial chhung Maite khuaa Community Nursery siam chu a hmunah a tlawh.

Minister Prof Lalnilawma chuan nursery chu ram tana rotling leh nakin thlenga ram leilung fate tana chhen fakawm thil a nih thu sawiin hma latu RD department te thawhrimna leh inpekna chu lawmawm a tih thu a sawi a, kum tin ram vah chereuva, a dah belh lam a tlem si chuan kum rei lo teah mihringten kan tuar mai dawn a ni, a ti. Mipuite chu theih ang tawka RD Department hmalakna te chu thlawp turin a chah bawk.

He project hi RD dept hnuaiah kum thum (3) chhung atan plan siam niin a tum ber chu rambua te phun khah lehna ni a, MGNREGA hnuaiah mipuiten ramngaw siam a nih leh theih nana hmalakna pawimawh leh lian tak a ni bawk. Project cost hi nuai 80 niin kumin (2026) hi a kum 2-na a ni a, nursery-ah hian thing (variety) chi hrang hrang 28 kui tiah a enkawl mek niin thing tiak hi 50000 (singnga) vel neih mek a ni.

Nursery-a thing kui tiahte hi thing zai chi(commercial tree) te, damdawi (medicinal) atana hman chi thing te leh avenue/ornamental tree te an ni a, thlai tiak ho hi engemaw zat chu kumin chhunga sem chhuan hman tum niin ni pawimawh bik leh Green Mizoram Day ah-te, convergence hna atan te bakah sikulten a thlawna phun tura sem chhuah tur a ni.

Vawiina Minister-in Community Nursery a tlawhnaah hian Pu V.Laldinsanga, PD, DRDO, Pu PC Lallawmkima, AO, DRDO te bakah official te leh khawtlang hruaituten an lo dawng sawng a ni.