Dated Khawzawl, the 8th October, 2026 : Vawiin khan Khawzawl District Skill Committee chu Bawrhsap Pu K. Vanlalthiana kaihhruaiin Khawzawl District-a Pradhan Mantri National Apprenticeship Mela (PM-NAM) neih dan tur relin DC Conference Hall-ah an thukhawm.

PM-NAM hi Skill India Mission hnuaia Ministry of Skill Development & Entrepreneurship bultuma buatsaih thin niin, National Apprenticeship Promotion Scheme (NAPS) hnuaia awm a ni a. He Mela-in a tum ber chu thalaite dawr lian, sumdawnna hmun leh company hrang hrangte nen thlunzawm a, training pek a, hnathawk thei leh mi hmantlak ni tura chherchhuah a ni.
He Scheme hnuaiah hian dawr/sumdawnna hmun neituten thalai hnathawh tur mamawhte chu an hnuaiah la-in zirtirna pek pahin an chhawr ang a, an sum mamawh (stipend) thenkhat sawrkarin a tum sak thin a. Mela hi Khawzawl-ah November 9, 2026 a neih tur a ni.

Thalai hna zawng duh tan NAPS portal (apprenticeshipindia.gov.in) ah in-register theih a ni a, training zo tawhte chu sawrkar pawmpui (NCVET approved) certificate pek thin an ni.2575/2026-2027