2461/2026-2027 

Dated Khawzawl, 1st October, 2026 : Vawiin khan Khawzawl Vengthar YMA Hall-ah Khawzawl ICDS bultumin Poshan Maah 2026 Seminar on Anganwadi Management Committee & Nutrition neih a ni.

He hun hi Pu Lalruatfela Sailo, Block Coordinator-in kaihruaiin, inlawmna leh inhmelhriattirna hun a hmang a, hun hlu tak senga he programme ngaipawimawha lo kal zawng zawngte chungah lawmthu a sawi a ni.

Pi Esther Laltlinpuii, CDPO in WCD functionàries leh a kalphung inhrilhhriatna a nei a. WCD hi a hma chuan Social Welfare hnuaia betin project hrang hrang kalpui thin a ni a, tunah chuan in dang vein project hrang hrang kalpuiin hna an thawk ve tawh a nih thu a sawi a. WCD-in a tum ber chu hmeichhia leh naupangte an him a, an hrisel a, anmahni ke a ding thei tura chawisan leh humhalh hi a tum ber a ni a, nu leh naupang te Doctor, Police, Zirtirtu leh Nu leh Pa kawp anga enkawltu department a nih thu a sawi a ni.

Pu Lalrinsiama, Circle Officer chuan Roles and Reponsibilities of AMC tih thupui hmangin zirtirna a pe a. Pi B. Zoramthangi, Circle Officer chuan Nutrition tih thupui hmangin zirtirna a pe bawk a ni. He hunah hian kKhawzawl town chhunga VC member hmeichhia leh Anganwadi worker te an tel a ni.