2460/2026-2027

Kolasib, 1st October, 2026: Vawiin khan DC Conference Hall, Kolasib-ah District Level Committee on Border Out-Posts (BOPs) te chu an thukhawm a. He thutkhawm hi Kolasib Addl. Deputy Commissioner, Pi B. Malsawmtluangi chuan a kaihruai.

Thutkhawm kaihruaitu Pi B. Malsawmtluangi chuan thu sawiin, sorkar hotuten BOP hrang hrang an tlawh tuma BOP-te mamawh tul hrang hrangte phuhruk dan tur kawng zawn a nih thu a sawi a. Heng an mamawhte phuhruk nan hian 'plan and estimate' siam tura district hotute beiseina chu theih ang anga sorkar hotute hnena thlen a nih thu a tarlang a ni. Sorkar atangin sum tlem a zawng hmuh a nih thu leh, chu sum an dawn ang ang chu BOP mamawh zualte tana tha taka hman dan tur sawiho tura kalkhawm an nih thu a sawi bawk.

Vawiin thutkhawmah hian sorkar atanga sum hmuh ang angte chu, beitham deuh  mahse, BOP tlabal tawh zualte tana thahnemngai leh tangkai taka hman ni se an ti a, mawhphurhtu department-te pawhin chak taka bawhzui ni se an ti a ni.

Hei bakah hian BOP-a duty-te chenna in dinhmun, inkalpawhna kawngpui, tui leh electric awm dan dinhmun dik tak hriatchian nan "Joint Verification Inspection Team" din ni se, tiin an rel a. He inspection team-ah hian District Administration, Superintendent of Police leh PWD hotute an tel ang. BOP thenkhat hi hla tak taka awm an nih avangin, fur ruahtui a hul that veleh a hmunah endikna hi neih tura ruahman a ni a. Inspection team-ten harsatna hrang hrang report an lakkhawmte chu sorkar hotu sangte hnenah thlen chhunzawm a ni ang.

Tun dinhmunah Kolasib District huam chhungah hian Border Out-Post (BOP) 21 a awm mek a, heng zinga 13 te hi ramri hrula awm an ni.