2459/2026-2027 

Dated Khawzawl, 1st October, 2026 : Vawiin khan District Sanitation Task Force ṭhukhawmin a lo rel tawh angin Swachhata Hi Seva campaign hnuaiah ‘Ek Din, Ek Ghanta, Ek Sath’ (Ni khat, darkar khat, kan zavaiin) chu Khawzawl Addl. DC, Pu K. Zorammuana hoin neih a ni.

He hunah hian Pu K. Zorammuana chuan thu sawiin, kalkhawmte chu faina ngaipawimawh tur leh bawlhhlawh paihna lamah fimkhur leh zual turin a chah a. India sawrkar pawhin bawlhhlawh paih leh sawngbawl a rawn ngaihpawimawh nasat leh zual avangin keini pawhin ṭan kan lak nasat leh zual sauh a ngai a, kan in leh a vel, kan office bakah kan hmunhma neihte fai taka enkawl a, bawlhlawhte hnutchhiah mai lova bawlhhlawh bawmah paih zel turin a chah bawk a ni.

He hunah hian zirlai naupangte, Zaingen leh Darngawn VC te leh Khawzawla sawrkar office hrang hrang atanga officer leh staff ten bawlhhlawh thenfai leh chharkhawm hna thawkkin, Taidawnkawn, Zaingen Veng aṭanga Mualvawm Field, Darngawn Veng thleng faina hnatlang hi an nei a ni.