4406/2024-2025

Khawzawl, dated 24th February 2025: Vawiin chawhma dar 11 khan KVK Khawzawl Training hall-ah Scientific Advisory Committee (SAC) Meeting vawi 15 na neih a ni a, dar 2 khan KVK Khawzawl Training Hall-ah hian Release of 19th Installment PM Kisan Samelan chu huaihawt a ni bawk.

He hun hi Pu R. Lalnunzira, Additional Director, Directorate of Agriculture & Farmers’ Welfare, Mizoram chuan a kaihruai a, Dr. Malsawmkimi, Senior Scientist & Head, KVK chuan Achievement report a pe. Pi R. Vanlalduati, SMS (Soil Sc.) leh Pu Prakash Thapa, Farm Manager te chuan kum 2025 – 2026 atana Annual Action Plan Power Point Presentation an pe a, Pu Lalringliana, Joint Director Directorate of Agriculture & Farmers’ Welfare, Mizoram chuan hun a hmanpui bawk a ni.

Krishi Vigyan Kendra (KVK) te hian kumtin SAC hi an nei thin a, he hunah hian Subject Matter Specialist ten kumkhat chhunga kuthnathawktute tana thlai chin tur tha leh enkawl dan tha zawk an zir chhuah theih tur duang chhuakin zirchianna an nei thin a, hengte hi kuthnathawktute hnenah zirtirna an pe chhuak leh thin a ni. He committee meeting ah hian Line Department atangin DAO, DHO, LRS&WC leh Manager Lead bank Champhai District leh Khawzawl District a Sawrkar hnathawk te leh Farmers’ Represent telin KVK Khawzawlin Action Plan 2025-26 an neih chu an pawmpui a ni.

PM Kissan Samelan chu Dr. Malsawmkimi'n kaihruaiin, Pu Lawmkima, Manager Lead Bank Champhai District chuan kuthnathawktu kalkhawm te hnenah sawrkar laipuiin kuthnathawktute tana hamthatna chi hrang hrang a duan te sawiin kuthnathawktu mi engemawzat an kal khawm a ni. Farmers’ Award mi 2 (pahnih), Pu Lalchawimawia, Rabung leh Pu Zirthanpuia, Neihdawn hnenah Pu R. Lalnunzira, Additional Director, Directorate of Agriculture & Farmers’ Welfare chuan a hlan bawk. PM Kissan Pual hian Exhibition neih niin Farmers atangin thlai thar engemawzawt la khawmin entirna neih ani a, he huna kalkhawmte hi PM Kisan hnuai atanga kuthnathawktu thlan chhuahte an ni.