4405/2024-2025

Dated Hnahthial, the 24th February, 2025: Vawiin chhun dar 12:00 khan Krishi Vigyan Kendra (KVK), Lunglei District, Hnahthial, chuan kum tin a an neih thin angin Scientific Advisory Committee meeting (SAC) vawi 15-na chu KVK Conference Hall, Hnahthial-ah video conferencing hmangin an nei a. Meeting hi an Chairman, Pi Ramdinliani, Special Secretary, Department of Agriculture & Farmers Welfare Government of Mizoram chuan a kaihruai a ni.

Meeting kaihruaitu, Pi Ramdinliani, Special Secretary, Department of Agriculture & Farmers Welfare chuan Hnahthial-ah ngei kal a, meeting hmanpui a duh viau laiin Assembly Session-ah zawhna leh chhanna te buaipui a tul avangin a kal thei ta lo chu pawi a tih thu a sawi a. Hun remchang hmasa berah KVK Lunglei, Hnahthial chu tlawh ngei a tum thu a sawi a ni.

SAC meeting-ah hian SAC Secretary, Dr. Henry Saplalrinliana, Senior Scientist & Head, KVK Lunglei District, Hnahthial chuan kum kal ta a KVK Lunglei hmalak tawhna thlirletna hun a hmang a. Tun kum atana KVK hmalakna tur hmachhawp (Action Plan) hrang hrangte chhawpchhuak in sawi ho a ni a. Hmalakna tur chhawpchhuahte chu lungrual taka pawm tlan a ni. 

Meeting-ah hian Pi R. Lalramhluni, Joint Director (Crops), Pi Lalnunpuii Parte, Deputy Director (KVK), Department of Agriculture & Farmers Welfare bakah Lunglei leh Hnahthial District chhunga Agriculture leh a kaihhnawih Line Department hrang hrang a head of offices te an tel bawk a ni.