654/2026-2027 

Dated Khawzawl, the 22nd May, 2026 : Nimin khan PHED Zone-II Chief Engineer Er. K. Zohmingliana chuan PHED Khawzawl Maintenance Sub-Division Office a hawng a, hemi pual hian PHED Division Office-ah hun an hmang chhunzawm a ni. Chief Engineer hi Champhai Circle S.E. Er. C. Zirkhuma leh PHE Officer thenkhatin an tawiawm a ni.

Office thar hawnna-ah CE chuan office chhung a fan kual hnuah Khawzawl Sub-Division Office pawh a tlawh nghal a. Hemi hnu hian Sr. E.E. Er. Liantluanga Chohte kaihhruaiin Division Office-ah hun hman chhunzawm leh a ni a. He hunah hian C.E. Er. K. Zohmingliana chuan Maintenance Sub-Division Office hawn tak chu Khawzawl District mipuiten an tangkaipui ngei a beisei thu sawiin, PHE Staff-te chu an hna chu mipui rawngbawlna a ni tih hriaa theihtawp chhuah zel thin turin a chah a ni.

He hunah hian S.E. Er. C. Zirkhuma, SDO Maintenance Er. H. Vanlalmawia leh PHE SDO Er. Freddy Vanlalmuanawma ten thu an sawi bawk.

Khawzawl WATSAN Sub-Division hian Khawzawl telin khaw 16 an bial ang a, nimina hawn tak Maintenance Sub-Division hian khaw 12 a bial thung dawn a ni.