655/2026-2027 

Dated Khawzawl, the 22nd May, 2026: Vawiin khan International Day for Biological Diversity pualin Khawzawl Wildlife Division hmalaknain Govt. Khawzawl Higher Secondary School-ah Awareness Campaign neih a ni a.

Pu Lalnunthanga, DFO, Khawzawl Wildlife Division chuan zirlai naupangte hnenah kumin thupui “Act Locally for Global Impact” hmangin thuchah a sawi a. Mizoram chu biodiversity hausa tak nei kan ni a, tun thleng pawhin nungcha, thing leh mau leh thlai, khawvel hmun danga la awm ngai lo hmuhchhuah belh zel a ni, a ti a. A hausakna haichhuah zel hi thangthar te kutah a awm thu sawiin, a hlutzia hrethiama kan ramngaw leh nungcha neih ang te hi thahnemngai taka kan humhalh a tul thu a sawi bawk a. Mimal te te thahnemngaihna tlingkhawmin khawvel puma danglamna a thlen theihzia sawiin zirlaite chu kan biodiversity humhalh leh venhim kawnga thahnemngai lehzual turin a sawm.