4401/2024-2025

Khawzawl, dated 24th February 2025: Vawiin chawhma dar 11 khan DC Meeting Hall-ah Sponsorship and Foster Care Approval Committee (SFCAC), Khawzawl District an thukhawm a, Khawzawl DC leh chairman ni bawk Pu K. Vanlalthiana'n a kaihruai.

He hunah hian Juvenile Justice (Care and Protection of Children) Act, 2015 hnuaia sponsorship pek tur te sawi ho a ni a, a vaiin naupang 101 pek turin thutlukna an siam. He sponsorship hi naupang harsatna tawk, nu leh pa nei lo te hmeithai fa te, rualbanlo te, POCSO case emaw JJB case nei te leh harsatna dang tawk te tana duan a ni a, naupang thlan te hian kum 1 chhung thla tin ₹4000 an dawng thin a ni. Thutkhawm hmasa zawkah naupang 39 pek tura rel fel a ni tawh bawk.

Chairman Pu K. Vanlalthiana chuan hetiang naupang te tanpuina an pe thei hi lawmawm a tih thu a sawi a, mi tam zawkin an hriat theih nan leh a phu tak tak te'n an chan theih nan theihtawp chhuah turin member te a chah a ni.