No.200/2020-2021

Chief Minister Pu Zoramthanga leh Dy. Chief Minister Pu Tawnluia hmalaknain Khawzawl-ah thlai vawnthatna tur Cold Room hman theih tura ruahman mek a ni.

He Cold Room hi Horticulture Department-in MIDH Scheme hnuaia a sak niin, pindan (chamber) pathum a awm a. Chamber tinah hian thlai quintal 80 theuh a leng a, a vaiin quintal 240 a leng a ni. Cold Room building pum hi feet 1180 bial a ni a, he building chhungah hian Cold Room chamber 3 bakah thei leh thlai vawn that tur silfaina (washing) te, bukna te leh thliar fel na (sorting and grading) te bakah lakchhuah leh hnua tawnna khawl (strapping machines) te a awm tel vek a ni. Cold Room hman theihna tura power supply mamawh Transformer pawh Power & Electricity Department-in a buatsaih mek a. Tun Covid-19 hrileng karah, thlai tawih ral tur vawn that nan Khawzawl chuan Cold Room hi an hman theih thuai beisei a ni.

COVID-19 Vegetable Supply Chain Programme sawrkarin a kalpui mekah Mizoram chhung atangin thlai thar trip za leh sawmpakhat (111) lai lakkhawm a ni a. Thlai hnah te hi nikhat lekah chhe thei a nih avangin karleh atang chuan a chhia a tlem zawk nan Local Task Force te demand ang zela lak luh tum a ni.

06.04.2020 a Vegetable Supply Chain buaipuitu Department, Central YMA OB leh Aizawl City Local Council OB te thukhawm (Meeting) chuan thlai te hi a man tlawm thei ang bera pek nise tiin a rel a. Uluk taka thlai thar rate-te ennawn a nih hnuah vawiin ni 08.04.2020 (Nilaini) a rate chu hetiang hian siam a ni.
Zikhlum - Rs. 33/kg
Bawkbawn - Rs. 18/kg

Hei bakah hian 31st March, 2020-a bawkbawn Rs. 25/kg a lo thleng chu Rs. 10/kg a pek chhuah a ni.

Vawiin 08.04.2020 hian Mizo thlai pangngai chauh order a nih angin trip thum (3) a lo thlenga, chungte chu thingthupui, khanghu, phuihnam, chingit leh behlawi te a ni. Thlai thenkhatte hi a chhiat hma deuh bik avangin zinglam aiin tlai lam hralhna rate chu a tuldan anga zirin tihhniam theih a ni. Vawiina thlai lo thleng te hi Department-in a zirtirna a pek anga fun a nih avangin hralh tlak loh khawpa thlai thar vuai emaw chhia emaw a awm tawh lo.