630/2026-2027 

Dated Khawzawl, the 20th May, 2026 : Nimin khan Khawzawl Wildlife Division hmalaknain kumin chhunga a tawpna ber atan Ngopa leh Lamzawl khuaah te Centrally Sponsored Scheme- Integrated Development of Wildlife Habitat (IDWH) hnuaia Eco-development activity pakhat atan Rainbow rooster ar note 2000 sem chhuah leh a ni.

He scheme kaltlang hian kumin chhungin ar note hi tum li (4) sem chhuah tawh a ni a. Murlen National Park leh Lengteng Wildlife Sanctuary chhehvela khaw 13-a cheng chhungkaw zathum (300) hnenah ar note 15,000 sem chhuah tawh a ni. Ar note semna hmunahte hian Khawzawl Wildlife Division, Divisional Forest Officer Pu Lalnunthanga chuan kalkhawmte hnenah thuchah sawiin, Lengteng Wildlife Sanctuary bulhnai khaw awmte chu Sanctuary neitu tak takte an nih avangin theihtawp chhuaha ramngaw leh nungcha humhalh kawngah sawrkar thawhpui turin a sawm a. Ramngaw leh nungcha chereu zel tur venhim chu khua leh tui tha kan nih theihna leh India ram Danpui hnuaia kan mawhphurhna pawimawh tak a nih thu a sawi.