17/2024-2025 

Khawzawl, 2nd April, 2024: April ni 19, 2024-a Lok Sabha Inthlanpui neih tura inpuahchahna kal zelah vawiin khan Khawzawl DC Meeting Hall-ah Candidate te sum sen vil dan tur zir hona buatsaih a ni a. He hunah hian LS Inthlanpui chuh tur Candidate-te Addl Expenditure Agent te leh Accounting Team te an tel a ni.

Training hi Addl DC Pu Lalfakzuala chuan a kaihruai a. Assistant Expenditure Observer Pu Lalrinpuia nen Candidate te senso vil dan tur hrang hrang kalkhawmte an hrilhfiah a ni.

Pu Lalfakzuala chuan kalkhawmte hi Asst Expenditure Observer mawhphurhna te, Rate Chart leh  MCMC rate chart chungchang te a hrilhfiah a. Khawzawl District-a Bank tin te chu anmahni branch theuhah rinhlelhawm thama pawisa che a awm anih chuan report tura hrilhhriat vek an ni tawh tih a tarlang bawk.

Assistant Expenditure Observer Pu Lalrinpuia chuan Shadow Observation Book vawn dan tur te bakah Expenditure Monitoring Team hrang hrang te hnathawh a sawifiah a.  Party lam leh Accouting Team member te hian zawhna leh chhana hun hlawkthlak tak an hmang bawk a ni.