16/2024-2025 

Khawzawl 2nd April, 2024: Vawiin khan Dr. Nipun Vinayak, IAS, 1-Mizoram (ST) Parliamentary Constituency- tana General Observer kaihhruaiin Khawzawl District chhunga Polling Official- te duty na tur khawl hmanga thliarna 'Randomisation of Polling Official' chu Video Conference kaltlanga neih a ni a. Khawzawl Bawrhsap, 22-Tuichang AS Asst Returning Officer ni bawk Pu K. Lalrohlua hovin Khawzawl Bawrhsap pisa atangin randomization hi official ten an tel pui a ni.

Khawzawl Bawrhsap pisa atang hian District Election Officer Pu K. Lalrohlua chuan 1st Randomisation-a Polling Official ni tura computer-in a thlan chhuah tawh te chu an Constituency kalna tur leh an thawhpui tur a thlang chhuak a. Khawzawl District huamchhungah chuan Assembly Segment pakhat - Tuichang AS chauh a awm avangin 2nd randomisation hian Polling Official te team awmna tur a tichiang a; 3rd randomisation April ni 17 a neih turah hian Polling Official te duty-na tur Polling Station tih fel a ni ang.

Tuichang AS hnuaia Polling Station 28 awmah hian Polling Station 4 chu hmeichhe hlangin (Pink Polling Station) an enkawl dawn a. Polling Station pakhat hi thalai rual (All Youth Manage Polling Station) in an enkawl ang. Vawiinah hian thalai rual enkawl tur PS 1 leh PS 23 dang a duty tur team te chu khawl hmanga siam rem a ni a.  Pink Polling Station-a duty tur team te chu General Observer Dr. Nipun Vinayak leh Returning Officer Pi Nazuk Kumar te hmuh laiin Bawrhsap Pu K. Lalrohlua’n lehkha hmangin a pawt chhuak a ni.