4459/2024-2025

Khawzawl, dated 27th February 2025: Vawiin chawhma dar 11 khan DC Meeting Hall-ah Chapchar Kut 2025, March ni 7 a hman tur chu a hman dan tur rel ho turin Chapchar Kut Organizing Committee an thukhawm a, Khawzawl DC Pu K. Vanlalthiana'n thutkhawm a kaihruai a ni.

Organizing Committee chuan Chapchar Kut 2025 a thil tul hrang hrang buaipui turin Working Committee a din a, chairman atan Addl. DC ruat niin co-chairman atan President, YMA Sub-Headquarters ruat a ni. A hmun atan SYMA Field, Khawzawl Zuchhip Veng thlan niin zing dar 10:30 tan hunah ruat a ni a, Working Committee hian Chapchar Kut programme tul dang zawng an rel dawn a ni. Chairman Pu K. Vanlalthiana chuan Mizo te tana hun hlu leh pawimawh tak a nih vangin member te tha taka thawk ho turin a sawm a, Chapchar Kut hlawhtling taka lawm a nih theih nan mahni mawhphurhna theuh hlen chhuak turin a chah bawk a ni.

Working Committee hi vawiin tlai dar 3 khan Chairman Pu Lalfakzuala hovin an thukhawm nghal a, Kut nia item nei tur te, mawhphur tur te leh thil tul dang an rel fel a ni.