2508/2025-2026

Khawzawl, dated 3rd December 2025: Vawiin chawhma dar 11 ah khan DC Auditorium-ah District Consultative Committee (DCC) ) Khawzawl District JUNE & SEPTEMBER 2025 atan meeting neih a ni a, Khawzawl Bawrhsap Pu k. Vanlalthian’n a kaihruai a ni.

He meeting-ah hian June & September 2025 chhunga Khawzawl District chhunga Bank hrang hrang te hnathawh leh hmalakna te thlir ho a ni a, Bank hrang hrang ten engtin nge mipui rawng an bawl tih enletna te, hmasawn an ngaihna leh tan an lak zual ngaihna lai te, sawrkar department nen thawhho dan tur te sawihona leh inhrialhriatna neih a ni.

Committee chuan bank te'n pawisa phurh kual kawngah leh security lamah harsatna an neih leh neih loh zawtin, fire extinguisher an mamawh leh mamawh loh te enfel nise, a expire tawh leh tawh lo en a, CCTV te enfel ni se ni 10 chhunga report theh luh ni se a ti a. Farmers te tan a hamthatna tur ngaihtuah zui a tul thu leh bank te pawn an rilru te lo inkau zau tur leh rilru zau zawk pu turin a chah. Hand Holding chungchangah December thla chhunga Awarness neih an rawt bawk a ni.

Meeting-ah hian Public sector leh Private sector te nen a tha leh zual a Bank te nen an thawh ho dan tur te sawi a ni a. Soiled note hi District ah a tam em em a, tih ral zung zung nan hma lak an rel a, coin circulation pawn hma a sawn in dawrkaite pawh in dawn zel tur a ni. Farmers te tan crop insurance pawh bank te pekchhuah that dan ngaihtuah turin an inhrilh bawk.