2507/2025-2026

Khawzawl, dated 3rd December 2025: Vawiin chawhma dar 10:30 ah khan Khawzawl DC Auditorium-ah Rualbanlo te ni - International Day for Persons with Disabilities, 2025 hman a ni a, Addl. DC Pu K. Zorammuana'n a kaihruai.

He hunah hian Khawzawl Bawrhsap Pu K. Vanlalthiana chuan vohbikte chu khawtlang leh mimal anga an thiamna te haichhuah hi kan phurhna theuh a ni a, a theih ang anga a puih tur thu leh vohbikte hmakhua chu a ngaihtuahin an dinhmun a dah san thu a sawi a. Rualbanlote hi a bika chhawmdawlna an mamawhin an phu hle a, rualbanlote nunphung tih hmasawn hi a tum thu sawiin, pianphunga rualbanlote hian zirna leh hnathawhna lamah te, hriselna leh eizawnna kawngah te harsatna tam tak neiin an tawh rualin, enkawlna, kaihhruainna leh zirtirna tha an dawn chuan midang aia hnufualna an nei lo a, mi pangngai thil tih theih tam tak an ti thei a ni tih a sawi.

He hunah hian vohbikte leh kum upa te lo kal khawm zawng zawng tan free clinic checkup neih nghal niin, Christmas thilpek te pek nghal vek an ni a, DC tualah intihhlimna, infiamna games chi hrang hrang te nen hun an hman pui nghal a ni.