2232/2026-2027 

Dated Khawzawl, the 16th September, 2026 : Vawiin khan Khawzawl Deputy Commissioner Pu K. Vanlalthiana kaihhruaiin sawrkar laipui scheme VB-GRAMG kalpui kawnga department hrang hrang thawhho dan tur ngaihtuahin DC Conference Hall-ah District Level Convergence under VB-GRAMG meeting neih a ni.

Deputy Commissioner Pu K. Vanlalthiana chuan he thutkhawmah hian thu sawiin, he scheme hnuaiah hian mipui hmasawnna tur leh an eizawnna kawnga pui tu tur hna thawh a pawimawh thu a sawi a. Eng hna pawh uluk taka thawka, nakin zel thlenga entawntlak hna hnutchhiah turin sawrkar hotu kalkhawmte chu a fuih.

Vawiin hunah hian Project Director Pu K. Lalhmuakliana, Block Development Officer Pu Timothy R. Lalhmangaiha leh Rural Accounts Officer Pu F. Malsawmtluanga te chuan VB-GRAMG scheme chungchang sawifiahin, he scheme hnuaia hna thawh theih permissible works leh department hrang hrang thawhho theih dan kawngte an sawi a. Line department hotute chu permissible works atangin hna thawh tur thlang chhuaka September 28, 2026-ah thehlut tura tih an ni a. October 2, 2026-ah Khawzawl District chhunga Gram Sabha tinah enho a, pawm leh tur a ni.