2233/2026-2027 

Dated Serchhip, the 16^th September 2026: Vawiin khan Serchhip District Deputy Commissioner Pu Paul L. Khuma hovin NHIDCL leh contractor KRAM Infracon Pvt. Ltd. hotute nen Serchhip district chhunga NH 02 leh Chhiahtlang leh Serchhip by-pass road permanent repair black topping chungchang sawi hona neih a ni.

Tarlan tawh angin, fur ruahtui a hul veleh, tuna temporary-a kawng khuar hnawhna zawng zawngte hi phawrh chhuak leh vekin, a nih dan tur (Technical guideline) ang thlapin permanent black topping hi tih tur a ni dawn a. Vawiin thutkhawmah hian thawh dan tur, hunbi tuk (timeline) siamin, hemi hun chhunga tha tak leh chak taka hnathawh  a nih theih dan tur te an sawi hova, ruahmanna siam a ni. DC chuan kawng siam hnathawhte hi District Administration bakah khawtlang hruaitute leh district mipuite nen tangrualin ngawrh tak leh uluk taka vil zui reng a nih tur thu a sawi. 

Vawiin thutkhawmah hian a tul dan ang zela Serchhip by-pass road lei pawh thawm that leh a hmunhmate endika, vilzui dan tur chungchangte pawh sawi ho a ni bawk.