55/2024-2025 

Khawzawl, 4th April 2024: Vawiin khan Khawzawl Bawrhsap pisaah Khawzawl District Narco Coodination Center (NCORD) chu an Chairman Pu K. Lalrohlua, Khawzawl Bawrhsap hovin an thu khawm a. He hunah hian Ruihhlo dona kawnga tha thawhtu sawrkar Department hrang hrang aiawhte bakah tlawmngai pawl aiawhte an tel a ni.

Thutkhawmah hian NCORD meeting hmasa February ni 29, 2024 a neihin thu a rel hrang hrang bawhzuina report ngaihthlak a ni a. Khawzawl Vengthar Presbyterian Kohhran Naupang chawhnu inkhawmah Awareness Campaign neih a nih thu leh naupang 130 zetin ruihhlo ti lo tura intiamna an neih thu te, NH-06 ah Motor endik runpui neih a nih thu te tarlan a ni.

Meeting hian Khawzawl District Executive Force (SP Office-in) Kum 2024 chhunga Drugs Awareness Programme neih dan tura ruahmanna a siam te a thlir ho a. Kohhran, Sikul leh Khawtlang mai bakah DCPO Office te  program-ah awareness tam thei ang kalpui ni se tiin a rel a. Khawzawl District Check Gate, Tuisenphaiah hna felfai leh langtlang zawka thawh a nih theih nan DC Office-in CCTV vuah rawh se tiin a rel bawk a ni.