2599/2024-2025

Khawzawl, dated 18th October, 2024: Vawiin chawhnu dar 1:00 p.m khan Mizoram State Sports Council (Formation and Functioning of District Sports Committees) Regulations, 2022 kaihhruaina hnuaiah District Sports Committee Khawzawl chuan DC Office, Khawzawl Conference Hall-ah inthlanna hun an nei.

A hnuaia mite hi chuhpuitu awm lova tlingte an ni: 

1.    Pu Lalnunenga, Sr. Vice Chairman, District Football Association, Khawzawl

2.    Pu K.C Ngurbiakzuala, Vice Chairman, District Wushu Association, Khawzawl

3.    Pu K. Lalhmangaihzauva, Asst. Secretary, District Amateur Taekwondo Association, Khawzawl

He hun hi District Bawrhsap, Pu K. Vanlalthiana kaihhruaina hnuaiah inthlanna neih a ni a. Inthlanna hi Pu Lalfakzuala, Addl. DC & Project Director, DRDO leh Returning Officer for Election to District Sports Committee ni bawk kaihruaina hnuaiah neih niin, Pu Lalchhuanthanga, Superintendent of Police Khawzawl, chu Observer a ni a. Pu David J. Byhnadaolai, Dy. Commandant 2nd I.R Battalion leh Pu Vanlalruata Hnamte, District Agriculture and Farmers’ Welfare Officer te chu Polling Officers an ni bawk. He hunah hian Khawzawl District Sports Committee ex-officio member te leh Khawzawl District Sports Council hnuaia affiliated association hrang hrang aiawhte an tel a ni.