2600/2024-2025

Khawzawl, dated 18th October, 2024: Vawiin chawhnu dar 2:00 p.m khan Khawzawl DC Meeting Hall-ah Permanent Rair Price Shop Khawzawl District a din a nih theih dan tur ngaihtuah a meeting neih a ni.

Meeting hi Pu K. Vanlalthiana, Deputy Commissioner in kaihhruaiin, Pu J Vanlalchhuanga,DCSO-in meeting neih chhante a sawifiah. Pu J Vanalchhuanga    chuan Convergence Scheme hnuaiah Khawzawl District chhunga Permanent Fair Price Shop din tur a lehkha an dawn thu sawiin, Khawzawl District-ah Permanent Fair Price Shop din a nih a, chu Fair Price Shop-ah chuan Common Service Center/Call Center ang a hman theih nghal turin ruahmanna siam a nih thu a sawi a. Khawtlang tan tangkai taka hman a nih theih tur thu a sawi a, hemi bakah hian Permanent Fair Shop-ah hian Price Stabilization Fund atanga Fund dil mek a nih thu sawiin, hemi hnuaiah hian Public Distribution System product, buh leh chini bakah commodities hrang hrangte sem a nih theih nan hmalak a nih thu a sawi bawk.

Hemi hnu hian Fair Price Shop din a nih theih nan hmalak dan turte sawi niin, hma la turte ruat an ni.

Vawiin meeting-ah hian Pu Lalfakzuala, Project Director, DRDO, Pu R. Lalrinpuia, Rural Account Officer, Programme Officer (MGNREGA) Khawzawl RD Block-te bakah office hrang hrang aiawhte an tel a ni.