1512/2026-2027 

Dated Khawzawl, the 24^th July, 2026 : Vawiin khan District Hospital, Khawzawlah State RCH/NHM, Khawzawl CMO leh District Hospital tangkawpin Extended Pradhan Mantri Surakshit Matritva Abhiyan (PMSMA) neih a ni a. Nu naupai mekte tana duan sawrkar laipui scheme PMSMA hi thla tin ni 9-ah District Hospital leh PHC/CHC-ah neih thin niin, Extended PMSMA hi ni 24-ah neih thin a ni bawk a. Dr.Vanlalrini Sailo (Gynaecologist) District Hospital, Champhai chu hemi atan hian sawm a ni.

He hunah hian nu naupai  2^nd & 3^rd Trimester (thla 4 anga thla 9 inkar) te Doctor/Specialist ten an en a, Sawrkar ruahmanna angin Ultrasound leh Lab Test-te a thlawn veka kalpui thin a ni. PMSMA/E-PMSMA hian naupaite tha taka Antenatal Checkup an neih theih nan te, naupai hlauhthawnawm (High risk pregnancy) hmuhchuah leh enkawl te, nu leh naute thihna laka an him theih nana hmalakna pawimawh tak a ni.