No.3570/2020-2020

Khawzawl 29th. July, 2020 : Khawzawl District thar pian hnua Election hmasa ber hmachhawn tur, kumina Village Council Election neih tura hman tur Electoral Roll chu vawiin chhun dar 12:00 khan Khawzawl  District Election Officer Pu Zothanmawia'n a tlangzarh. He hunah hian Political Pary pathum - MNF, Congress leh ZPM aiawhte bakah NGO aiawhte leh MJA Member te an tel a ni.

Final Electoral Roll tlangzarha a lan danin, Khawzawl District huamchhungah hian Village Council 38-ah inthlanna neih a ni dawn a. Draft Roll-ah mi 25,764 a awm laiin Final Roll-ah mi 25,733 an awm a, Draft Roll aiin Final Roll-ah hian mi 31 in an tlem zawk a, hei hi E/Roll a thun thar mi 197 aiin siamthat hnua paih 228 an awm vang a ni a, E/Roll a hming chuang tlakhniamna hi -0.12% a ni.

Final E/Roll a a lan danin, Khawzawl District huamchhunga Electoral Roll a hming chuang 25733 zingah hian mipa 12641 awmin, hmeichhia 13092 an awm a, mipa aiin hmeichhia hi 451 in an tam zawk a ni. Khawzawl Vengtharah Vote nei tam berin 1,782 an awm a, Vote nei tlem berna Arro Village-ah Voter 117 an awm thung a ni.

Attachment

  • Loading attachment...