No.3571/2020-2020

Aizawl, the 29th July 2020 : Vawk pul hri (African Swine Fever) chu January, 2020 atangin Assam leh Arunachal Pradesh bakah thenawm ram Myanmar ah pawh a leng a, he thil hi Sawrkar Laipuia Ministry of Fisheries, Animal Husbandry and Dairying hnuaia Department of Animal Husbandry and Dairying chuan ngaipawimawhin a darh zel tur venna atan National Action Plan te siamin hma a la a. He kaihhruaina (National Action Plan) an siam behchhan hian Mizoram Sawrkar-a, Animal Husbandry & Veterinary Department chuan Mizorama he hri a lo luh loh nan Mizorama vawk leh vawksa atanga thilsiam lakluh khapna thupek nimin khan an chhuah.

He thuchhuahah hian thu leh awm hma chuan Myanmar leh ram dang bakah state thenawm atangin vawk, vawksa leh vawksa atanga thil siam (pigs, pork and other pig products) reng reng lak luh khap a ni a. Vawk vulhtute hnenah he hri chungchanga inzirtirna (awareness) bei ngawrh lehzual turin Field a thawk Vety doctor leh VFA te chu hriattir an ni a. Hemi rualin vawk vulhna hmunhma te chu tithianghlim turin leh he natna vei ni a rin vawk te chu khung hrang/dah hrang turin a hriattir bawk a. Intensive Survelliance chungchang hre duh tan leh tum khata vawk thi leh sanghal thi an tam a, an thihchhan a rinhlelhawm chuan Department Helpline no 0389-2336441/9436142908/9436151203 / 8794206212 ah te hriattir turin mipuite an ngen a ni.