3630/2024-2025

Khawzawl, dated 20th December 2024: Vawiin chawhma dar 11 khan Khawzawl DC Conference Hall-ah Khawzawl DC Pu K. Vanlalthiana hovin Good Governance Week 2024 (Prashashan Goan Ki Ore) hawnna hun hman a ni.

Meeting hi Pu Lalfakzuala, Addl. DC in kaihruaiin Khawzawl District chhunga Sawrkar scheme hrang hrang hnuai a hmalaknate a sawifiah a ni. DC Pu K Vanlalthiana pawhin thu sawiin vawiin a programme an hman “Good Governance Week” chu Sawrkar hnathawkte tan pawimawh a tihthu sawiin, he hapta hi tih takzeta hman a tul a ni, a ti. DC chuan Public Grievance leh Service Delivery-te ngai pawimawh turin kalkhawmte chu a chah a, mipuite vuivaina leh an harsatna a tam thei ang ber chinfelsak turin sawrkar hnathawkte a beiseithu a sawi a, sawrkar office-te chuan mipuite hnenah service tha tak pek chu an tih makmawh a ni, a ti.

Pu Suvagya S Chandra chuan “Good Governance” chungchang kalkhawmte hnenah PowerPoint Presentation hmangin a sawifiah a, Pu Paul Rokima'n lawmthu sawina hun hmangin he hun hi a khar a ni. Vawiin Hapta hawnnaah hian Sawrkar Office hotute leh DC Office a thawktute an tel a ni.

Sawrkar laipulin a ruahman angin Good Governance Week 2024 hi 19th - 24th December, 2024 chhunga hman tur a ni a, vawiin hian Khawzawlah a hawnna hun hi hman a ni.