3629/2024-2025

Champhai, 20th December 2024: Vawiin khan Champhai SP Pu Shivendu Bhushan chuan Krismas leh Kumthar Committee, Champhai District, Champhai in November ni 5, 2024-a Deputy Commissioner Conference Hall, Keifangtlang a meeting in a lo rel tawh bawhzui nan leh Motor Vehicle Act 1988 (Act 59 of 1988) Section 115 leh Government of Mizoram Notification No.D.12021/10/2004-TRP dt.01.06.2020 in thuneihna a pek angin, Krismas 2024 lo thleng turah mipuite lirthei laka an lo him tlan zawk nan leh thlamuang taka chakkhai dapna hun an neih theih nan a hnuaia mi ang hian 'No Vehicle Zone' hmun siam a ni tih hriattirna a chhuah.

Tahrik Ni 21 (Inrinni), 23 (Thawhtanni) leh 24 (Thawhlehni) December 2024-ah te hian zing dar 10:00pm atanga tai dar 04:00pm chhung in Presbyterian Church of India,Vengthlang Biakin Gate atanga Pu K. Thangseia in (Kimkim Agency), Bazar Pui pan chhohna Step Opposite inkar (Awmpui Phei) chu 'NO VEHICLE ZONE' (lirthei eng chi mah kal tang leh dah phal loh) atan puan a ni.

No Vehicle Zone puan hun chhung hian lirthe tan dan tur hetiang hian ruahmanna
siam a ni:

1. Vety Office, Project Veng atanga Vengthlang North kal turte chu Kimkim Agency sira chhukthla in an kal ang, hetiang bawk hian Vengthlang North atanga Project Veng kal tur pawh an kal ang.

2. Dawrkai Kawn atanga Bazar Pui pan te Masihi Sangati Biakin bulah an kual chhuak anga, he lai kawng hi 'ONE WAY' a ni ang.

3. Presbyterian Church of India, Vengthlang North Biakin atanga "KHAWLHRING RUN", Awmpui Phei inkar ah lirthei eng chi mah dah/hun phal a ni lo a, lirthei lo chho reng reng Awmpui Phei lut lo a in 'DROP' in an let lehnghal zel tur a ni ang.

No vehicle Zone puan chhung hian Awmpui Phei a Taxi Stand chu sawn lailawk a ni ang a, ahnuai a hmun tarlan ah hian Temporary Stand siam sak an ni:

YMA, Ralven Buk Opposite, Pu Chalbawia in luhna peng Puii Thingpui Dawr kawt atanga MK-I Secondhand dawr kawt inkar kawngpui sir 21 meters a thuiah kawngpui dung zui zawngin Taxi an ding thei ang.

Notification - No Vehicle Zone.pdf