1051/2023-2024

Khawzawl, 6th July, 2023 : Health Minister Dr R. Lalthangliana chuan vawiin khan Khawzawl District Hospital-ah Remna Ni pual Health Clinic a hawng. Health Clinic hi H&FW Department buatsaih a ni a, Khawzawl  leh a chhevel khaw hrang hrang atanga pantu an ṭhahnem hle a ni.

Health Clinic hawnna inkhawm tawi buatsaihah Health Minister chuan thusawiin, "Kan Doctor-te office chawlhah pawh chawl mang lovin an buai em em a, tun huna mipuite tana inentirna hun an hmang thei hi ka lawm hle a ni," a ti a. "Hriselna ṭha mipuiin kan neih theih nan sawrkarin theihtawp chhuahin hma a la mek zel a. Mipuite pawhin an tana sawrkar hmalakna hi an thlawp tlat a, an ṭawiawm a tul a, hei bakah hian kan lo hrisel lehzual nan faina leh thianghlimna kawngah ṭan kan lak lehzual a ngai a ni," a ti a. "Khawzawl damdawi in pawh District Hospital nihna dik tak anga function tir vat kan tum a ni," a ti bawk.

Dr Thangtea chuan, "Covid avangin khawvel a buai a, sum leh pai kan tum loh lamah nasa takin hmanralna ni a. Heti chung hian sorkar-in hmasawnna nasa takin a kalpui mek zel thei hi a lawmawm hle a ni," a ti a.

Aizawl leh Champhai aṭangin doctor thiamna bik nei 10 chuangin dam lote hi an en a. Doctor-te hi Dr Lalthlengliani, Joint Director DHME chuan a ho a ni.

He Health Clinic-a inentirte hi a thlawna damdawi pek an ni a. Damdawi man hi Bialtu MLA Dy Chief Minister Pu Tawnluia ruahman sak a ni.

Remna Ni denchhena Health Clinic siam hi district thar pathum - Hnahthial, Khawzawl leh Saitualah neih tum a ni.