1761/2026-2027 

Dated Khawzawl, the 13th August, 2026 : Vawiin khan Khawzawl Bawrhsap Pu K. Vanlalthiana hovin a pisa-ah Independence Day 2026 atana inbuatsaihna kal mek thlir ho a ni a, Khawzawl Superintendent of Police Pu F. Lalbiakzauva leh sawrkar official dangte an tel.

He thutkhawmah hian Independence Day atana inbuatsaihna hrang hrang tluang taka kalpui a nih thu leh rehearsal pawh tha taka zawh fel a nih thu ngaihthlak a ni a. Independence Day pual hian District Education Office leh Khawzawl Wildlife Division tangkawpin faina leh thianghlimna hna (Swachh Bharat activity) neih tura rel a ni a, Khawzawl Wildlife Division chuan thing an phun dawn bawk a ni.

Kumin Independence Day lawmna hi Mualvawm Field-ah August 15, 2026 zing dar 9-ah hman tur a ni a. Khuallian turin Animal Husbandry & Veterinary Department Minister Pu C. Lalsawivunga beisei a ni. Ceremonial parade-ah hian armed contingent 1, unarmed contingent 3 leh school contingent 11 an awm dawn a, Khawzawl District Amateur Taekwondo Association-ten show an nei dawn bawk a ni.