1762/2026-2027

Dated:Mamit the 13th of August, 2026: Vawiin khan DRDO Mamit district bultumin District Level Panch Sammelans chu Chhim Veng YMA Hall, Mamit-ah neih a ni a, Pu Suvigya S Chandra, District Bawrhsap leh District Programme Coordinator (VB- G RAM G)ni bawk chu Khual Lian a ni a, Pu Lalchhanhima, Project Director leh Addl. District Programme Coordinator chuan hun a kaihruai. Vawiin hunah hian Viksit Bharat-Guarantee for Rozgar and Ajeevika Mission (VB-G RAM G) Act,2025 chungchang zirhona neih a ni.

District Bawrhsap chuan Sawrkar Laipui hmalakna ni 100 inhlawhna (MGNREGA)ni thin chu ni 125 inhlawhna (VB-G RAM G)a ni ta a,he hmasawnna hi chhung tinin hmang tangkaia VC tinin khua lo changkang zawkna atan ruahmanna tha tak nena hmala turin vawiin a lo kal khawtlang hruaitute chu a chah a. Harsatna leh zawhna an neih te chu technical expert te chu zawt hreh lo turin a chah bawk.

Hun kaihruaitu Pu Lalchhanhima chuan khaw chhe kara khawtlang hruaitute leh VC aiawhte he program a an tel thei chu lawmawm a tih thu sawiin ni 100 inhlawhna thlaktu scheme pawimawh ni 125 inhlawhna ni ta VB-G RAM G chu mumal taka inzirtir leh inhrilhfiahna technical expert te kaltlanga neih chu a pawimawh a ni a ti a. He hun hi hlawk taka hmang tur leh zawhna an neih angte chu zawt hreh loa harsatna an neih te an hnena thlen reng theih a nih thu a sawi.

Vawiin hunah hian Pu J.Lalremruata, MIS, Nodal officer DRDO leh Pu Remlalnghaka, Technical Assistant DRDO Mamit district te chuan he act sawi zauna hun an nei a, zawhna leh chhana hun hman a ni bawk.

He hunah hian Mamit District huam chhunga Village Council tin atangin aiawh pakhat theuh an tel a ni.