4735/2025-2026

Khawzawl dated 9th March 2026: Vawiin chawhma dar 11 khan DC Conference Hall, Khawzawlah DWSM (District Water and Sanitation Mission) bultumin Jal Mahotsav Pakhwada (Kar hnih chhung awh Tui Kût) hawn a ni a, Khawzawl Addl. Deputy Commissioner, Pu K. Zorammuana’n hawngin, Er. Liantluanga Chohte, Executive Engineer, PHED in a kaihruai.

Er. Freddy Vanlalmuanawma Sub-Divisional Officer, PHED atangin report ngaihthlak niin, Jal Mahotsav Pakhwada (Kar hnih chhung awh tui kût) hi Tui hna humhalh a enkawl dan in hrilh tharna leh mipui te'n kan tui tlante kan ta ani tih hriatna tur atana campaign neihna tur a ni a. Campaign hi March ni 9 atanga ni 23 chhung awh tur niin, ni 23 ah kharna hun neih leh tur a ni. Hemi chhung hian activities hrang hrang neih tura ruahman a ni a, tuizem, filter etc. tifaina hnatlang neih te leh Tui thianghlim leh thianghlimloh endikna neih a ni dawn bawk a, Khawzawl District chhung khaw hrang hrangah campaign neih tum a ni. President of India in March ni 23, 2026 hian World Water Day pualin tui enkawlna kawnga hma la tha te hnenah chawimawina hun a nei dawn a, Aizawla neih tur niin, Khawzawl District atang pawhin dawn a ni ang.

Addl. Deputy Commissioner, Pu K. Zorammuana chuan zirlaite leh naupangte hnenah kan tuihna neih te enkawl dan a thara in zirtir a tul hle thu a sawi a. Khawzawl District chu mipuite thawhhona zarah tui thianghlim kan la hnianghnar chu lawmawm a tih hle thu a sawi a, hemi chhawm nung zel tur hian thing leh mau kan neih te awmze nei zawka humhalh zel a ngaih thu a sawi. Sorkar leh Department hrang hrang te'n thahnem ngai taka an thawh bakah mipuite pawhin tui humhalhna kawngah tih ve tur kan neih te hriat a tul hle thu sawiin, in tinin tui khawlna tha neih a, sorkar atanga connection kan dawn bakah ruah tui khawl uar hle a tul thu sawiin, hemi tur hian tlawmngai pawl te nen thawhhona tha neih tul thu a sawi a. Vawiina hun hman hian nakin zel atana tangkaina a neih theih ngei a beisei thu sawiin, Jal Mahotsav Pakhwada programme hawnna hun a nei nghal a ni.

He hunah hian DWSM (District Water and Sanitation Mission ) leh DTU (District Technical Unit) memberte bakah, PHE office staff te kim takin an tel a ni.