4734/2025-2026

Dated Serchhip, the 9th March, 2026: Kumin International Women’s Day denchhen hian Kawnpui VC Hall, Serchhipah naktuk March 10, 2026 (Thawhlehni) hian Mahila Jan Sunwai – hleilenna tawk hmeichhia te tan a thlawna thubuai remsak an ni dawn a. He Free Public Hearing hun hi Pi C. Zodinpuii, Chairperson, Mizoram State Commission for Women leh Pu Paul L Khuma, Serchhip DC te bakah mi pawimawh dangten an hmanpui ang.

Hmeichhe dikna chanvo rahbehna hrang hrang tuartute chuan he hunah hian complain a thehluh theih dawn a. Complain thehlut duhte chuan District Programme Officer, WCD; Child Development Project Officer, WCD; DC leh SP te hnen ah ziakin theh luh tur a ni.

Inchhungkhura hleilenna, eng kawng pawha tawk te, nupa kar harsatna avanga hmeichhe chunga tawrhna thleng te, hnathawhna hmuna thawhpui mipate atanga harsatna tawk te, chhaih nawmnah tawkte leh eng kawng pawha hmeichhia nihna avanga hleilenna leh nekchepna tawk tetan harsatna a thlen theih a ni.

Free Legal Public Hearing - Mahila Jan Sunwai neih turah hian complain theh lutte tan he mi ni hian a rang thei ang berin an harsatna te chinfel nghal tum a ni.