4736/2025-2026

Saitual, the 9th March, 2026: Vawiin khan DC Conference Room, Saitualah Saitual District Monitoring Committee for Bana Kaih Scheme chu an chairperson, District Bawrhsap ni bawk, Pu Srinivas Sadi kaihhruaiin an thu khawm.

He hunah hian Pu Tharun Patnaik, SDO (S), Member Secy, District Monitoring Committee chuan DMC hmachhawp te a tarlang a, March ni 11, 2026 (Thawhtanni) hian District Level Briefing cum Distribution of CM Special package Grant Phase-II neih a ni ang. He programme-ah hian progress partner te chu anmahni department theuhah technical training pek an ni ang a, chumi zawhah orientation training chu DC Conference Hall-ah neihpui leh an ni ang. He hunah hian certificate leh placard/ signboard chu progress partner te hnenah sem chhuah a ni ang a, Banakaih Scheme Phase-I a hlawhtlinna lo chang tawhte video thlir ho a ni bawk ang. March ni 17, 2026-ah hian District Level Workshop on Handholding Scheme neih tura rua hman a ni bawk.

Tun dinhmunah hian CM Special Package Phase-II atan AH & Vety leh Horticulture department hnuaiah Progress Partner pahnih thlan chhuah an ni.

Vawiin thutkhawm hi Pu Srinivas Sadi, DC & Chairperson, DMC for Bana Kaih Scheme, Pu Lallawmawma, Addl. DC, Pu Tharun Patnaik, SDO (S) & Member Secy, DMC for Bana Kaih Scheme leh DMC for Bana Kaih Scheme member te an tel a ni.