1943/2023-2024

Khawzawl 19th September, 2023 : Sawrkar Laipuiin zirlaiten Arts lama hmasawnna an neih theihna tura intihsiakna a buatsaih Kala Utsav chu vawiin khan Samagra Shiksha, Khawzawl District bultumin Khawzawl Electric YMA Hall-ah buatsaih a ni a, hetah hian Khawzawl HSS, Govt. High School Khawzawl, Model High School Khawzawl leh Tualpui RMSA te an tel a ni. Kala Utsav 2023-ah hian 2D & 3D Painting, Indigenous Toys and Games, Vocal Music Traditional, Instrumental Music Melodic, Drama, Solo, Acting leh Traditional Dance-ah te intihsiakna an nei a, zirlai 36 te an intihsiak a ni.

Vawiin chawhnu khan Kala Utsav kharna hun hman niin Dy. DPC Pu K. Thantluanga chuan a kaihruai a. Thu sawiin Dy. DPC chuan Kala Utsav-a hlawhtlinna tura rawn tel zirlaite leh zirtirtute chungah lawm thu sawiin zirlai tel te chu an kal leh zelna turah duhsakna a hlan a. Nikum lamah School thahnem tak an tel laiin kuminah erawh School 4 chauh an tel thei chu pawi a tih thu a sawi a, Kala Utsav hi zirlaite tana buatsaih a nih angin nakin zelah zirna in hrang hrang ten ngai pawimawh se a duh tih a sawi bawk a ni. He hunah hian Pu JH Rodawla, H.A., Samagra Shiksha in Report a pe a, hemi hnu hian lawmman semna neih zui nghal a ni a. Pu Lalchhuanthanga Renthlei, Cashier, Samagra Shiksha in lawmthu sawina neiin Programme tih tawp a ni.

Vawiina Kala Utsav a lawmman dawngtute chu :-

1. Dance (Folk) - Esther Zoenmawii, Class IX, Govt. High School, Khawzawl
2. Drama Solo - Malsawmdawngliana, Class XI, Khawzawl HSS
3. Vocal Music (Traditional Folk) - Rebek Lalnunpuii, Class X, Govt. High School, Khawzawl
4. Indigenous Toys and Games (Girls) - Vicky Malsawmzuali, Class X, Model High School, Khawzawl
5. Indigenous Toys and Games (Boys) - Lalhmingmawia, Class - IX, Tualpui RMSA
6. Visual Arts 2D - Lalnunfeli, Class XII, Khawzawl HSS
7. Visual Arts 3D - Esther Remruatpuii, Class IX, Govt. High School, Khawzawl