1493/2023-2024

Khawzawl, 14th August 2023 : India ramin zalenna a hmuh champhai vawi 75-na lawmna ‘Azadi Ka Amrit Mahotsav’ kharna leh tlipna ‘Meri Maati Mera Desh’ hawnna programme chu August ni 9,2023 khan DC Conference Hall-ah neih a ni a, Khawzawl DC Pu K. Lalrohlua, Deputy Commissioner chuan a hawng. Hawnna inkhawm hi Pu Vabeimozachhi Chozah, SDO(S) in a kaihruai a, kalkhawmte hian ‘Panch Pran pledge’ thutiam lakna hun an nei a ni.

‘Meri Maati Mera Desh’ campaign kaltlang hian India ram hmun hrang hranga India khua leh tui te inpumkhatna tura hmalakna leh ram tana nunna hlantute chawimawina hun buatsaih a ni a, martar te puala lungphum, ‘Shilaphalakam’ te, ram tana inpekna tithar leh tura thutiam'Panch Pran Pledge’ lak te, khawtinah thingtiak 75 phun te leh khawtin atanga lei lak khawm hmanga Karavya Path hmuna Martar-te huan "Amrit Vatika' siam te a keng tel a ni.