406/2023-2024

Khawzawl, the 11th May, 2023: Vawiin chawhma dar 10:30 khan Khawzawl Vengthar Branch YMA Meeting Hall-ah MIS Portal leh PM Poshan Scheme 2023 chungchang inzirtirna hun buatsaih a ni. He hunah hian Khawzawl leh Champhai District huamchhunga BRCC, CRCC, MIS leh PM Poshan File in-charge te an tel a ni.

He hun hi Pu Lalsikula, DPC, Samagra Shiksha, Khawzawl District chuan kaihruaiin, training kaltlangin thil pawimawh tak tak zirhona leh inhrilhhriatna neih a nih thin thu sawiin, kalkhawmte chu zirtirnate uluk taka ngaihthla tur leh hlawkpui ngei tum turin a chah a. Kum 2 chhung PM-Poshan Scheme-ah training buatsaih theih a nih tawh loh hnuah hmalakna kalpui dan thlirletna leh kalphung tha zawk a kal thei tura inhrilhhriatna hun buatsaih a ni chu lawmawm a tih thu a sawi a. Training chhimtute midangte zirtir chhawng leh tur, mihring enkawltu an nih vangin anmahni pawh an inenlet fo a tul tih a sawi a ni.

He hunah hian Pi Lalmuankimi Rokhum, State Assistant Programme Manager, PM POSHAN in Prime Minister - Pradhan Mantri Poshan Shakti Nirman (PM POSHAN) chungchang a sawifiah a. PM-Poshan kalpui dante tarlangin, Central-in buhfai man leh State hrang hranga phurhna mante a tum vek a, Central leh State in eirawngbawlna senso leh eirawngbawltute  hlawhte an intum sem a, Central in 90% a tum a ni, a ti a. A tarlan dan chuan naupangte hnena ei tur buhfai pek hi fortified rice kher a ni tur a ni a, fortified rice a nih loh chuan report zel tur a ni a. Hei bakah hian naupangte hnena chaw chhun buatsaihte chu a hrisel dan endikna an nei thin a, sample la in kumkhatah vawikhat RIPANS-ah Test an nei thin a, District khat atangin sample 2 zel an la thin a ni.

Vawiin hun hmanah hian Pu Lalremruata, State MIS, PM Poshan-in MIS chungchang zirtirna a pe bawk a. Zirtirna neih zawhah hian sawihona hun an hmang a. Deputy DPC Pu K.Thantluanga'n lawmthu sawiin vawiin programme hi zawhfel a ni a. Training on MIS Portal and Workshop on PM Poshan Scheme 2023 hi District tinah an nei kim tawh a ni.