2905/2024-2025

Khawzawl, dated 8th November, 2024: Vawiin chawhma dar 11:00 a.m khan DC Office Meeting Hall-ah November ni 14, 2024 a chhiatrupna laka inbuatsaihna (disaster preparedness) atana neih tur enchhinna (mock drill) chungchangah meeting neih a ni a, Khawzawl District Disaster Management Authority (DDMA) Chairmam leh Deputy Commissioner ni bawk, Pu K. Vanlalthiana chu chairman niin hun a kaihruai.

Meeting sawihawnna nei turin Addl. DC, Pu Lalfakuala'n mock drill thil tum te leh hriat tur tul te a sawi lang a. Hemi zawh hian Pu Lalrammawia, LDC chuan mock drill neihna hmun hrang hrang te sawi hawngin a exercise hrang hrang kal dan tur te leh office hrang hrang mawhphurhna te a sawi. Presentation zawh hian thukhawmte'n zawhna te an zawt a, ngaihdan te an sawi a, tluang tak leh mumal taka mock drill kal pui theih dan tur sawi chhunzawm a ni. Chairman Pu K. Vanlalthiana chuan he hun hi hun pawimawh tak a ni a, chhiatrupna a thlen huna inbuatsaihna pawimawh tak a ni tih a sawi a, tel tur apiang te'n ngai pawimawh a inzir nana hmang ngei turin a sawm a ni.

He hunah hian DC Office a officer te, office dang hotute, YMA hotute leh Village Council hotute an tel a ni.