2904/2024-2025

2024 Sahmulphah thla ni 8: Vawiin khan Lunglei District Anti-Tobacco Squad (ATS) te chuan Cigarettes and Other Tobacco Products (Prohibition of Advertisement and Regulation of Trade and Commerce, Production, Supply and Distribution) Act, 2003 [COTPA 2003] section 4 tlawh chhanin Lunglei khawpui chhunga sawrkar pisa hrang hrangah meizial zu an vai a, dan bawhchhia man an nei lo.

Zial zu vaia feh chhuahnaah hian Sub-Deputy Commissioner Pi Lalrampari leh DTCC District Nodal Officer Dr Zoramthangi te hovin Lunglei District ATS member ṭhahnem tak an thawk chhuak a. Vawiin hian sawrkar pisa pali (4)-ah pindan hrang hrang fang kualin mei zu an awm leh awm loh an endik a, man erawh an nei lo. He'ng pisa an tlawhnaah hian puipunna leh vantlang hmuna mei zuk khap a nih thu tlangaupuiin, pisa chhunga mei zuk phal a nih loh thu hriattirna thuziak la tar lote hnenah thuziak tar tur an sem nghal bawk a ni.