2903/2024-2025

2024 Sahmulphah thla ni 8: Vawiin khan Lunglei District Additional Deputy Commissioner & Competent Authority for Land Acquisition (CALA) Pi Rochuangkimi Khenglawt hovin Lunglei DC Conference Hall-ah National Highway 54A & 302 (Hrangchalkawn - Tlabung) kawngpui laih zauh hna leh siam ṭhat hna thawh mek chungchang sawi hovin ṭhut khawm buatsaih a ni.

He ṭhut khawmah hian a kaihhnawih sawrkar official hrang hrangte, kawng enkawltu NHIDCL (National Highways & Infrastructure Development Corporation Limited) leh hna thawktu contractor BRNIPL (BRN Infrastructure Private Limited) ai awhte, Hrangchalkawn leh Theiriat local council chairman-te, Lunglei Sub-Headquarters YMA (Young Mizo Association) President, Lunglei Ṭhalai Pawl (LṬP) hruaitute, Tlabung Welfare, Lungsen Welfare leh Khawthlang Khawchhuak Welfare ai awhte an tel a. Ralkhat aṭangin online-in Tlabung SDO (Civil), Lungsen BDO, NH-302 Ngaihven Pawl (Tlabung) hruaitute leh Landowners Co-ordination Committee on NH-302 (Lungsen & Rangte VC Area) hruaitute'n an chhim bawk.

Lunglei District CALA Pi Rochuangkimi Khenglawt chuan Tlabung kawng siam chungchanga thil pawimawh hrang hrangte, hma lak mek dan leh hmachhawp te sawi ho va, chak leh ṭha zawka hna kalpui a nih theih nana rawtna leh ruahmanna siam turin ṭhut khawm chu buatsaih a nih thu a sawi a. Hrangchalkawn - Tlabung kawngpui zauh leh siam chungchangah District thuneitu lam aṭangin hna enkawltute leh thawktute nasa taka nawr an lo nih tawh dan te, kawng ṭhatna veitu pawl hrang hrangte nen pawh inhmuh khawm leh ruahmanna siam a lo nih tawh dan te tar langin, contractor lam chu kumin fur hmaa chak taka hna thawk tura beisei an nih mek laiin furin a rawn nanchin tak avang leh fur a nat avanga mipui leh hna thawktute pawhin harsatna an tawh dan te a tar lang a. Fur chhungin lei min leh chirh tawlh then fai leh kawng chhe thawm ṭhat lamah tha leh tui tam tak an sen avangin hna thawktute pawh hriat thiamna thui tak nen thlir an ni tih sawiin, tunah khua a ro ṭan a, vawiina inhmuh khawmna hian rah ṭha a chhuah a, hna thawh hun tawi te chhungin chak zawk leh ṭha taka kawngpui zauh leh siam ṭhat hna hi thawh zawh thuai a nih a beisei thu a sawi a ni.

He hunah hian NHIDCL leh BRNIPL lam te'n tun dinhmuna an hna thawh dan leh hna thawh dan tur hmachhawp an neihte tar langin, kawng chhe zual lai an ngaih pawimawh hmasak tur thu leh lei min leh chirh then fai bakah, an kawng siam sa furin a tihchhiat thawm ṭhat te chu an kalpui ṭan mek thu an tar lang a. Official-te leh pawl hrang hrang ai awhte'n an hma lak dan tar langin, an ngaihmawh leh ngaih pawimawh zawng te an sawi bakah, chak leh ṭha zawka hna thawh a nih theih nana rawtna an neih hrang hrangte an sawi ho a ni.

He hunah hian zangnadawmna pek kawnga harsatna la awmte chu thuneitu lam aṭangin chak taka bawhzui mek a nih thu leh kawng hlui kalnaa sawrkar ram chin, tuna kawng tharin a kalsante a duh duhin an lo ta chei mai loh nana humhalh turin District thuneitute'n chhinchhiaha perh tar hna an kalpui mek thu te tar lan a ni a. Kawng siam dan leh lung hman chungchangah lung chang ṭha hman pawimawhna leh tui luankawr siam ran pawimawhna te tar lan niin, leivung paih chungchanga fimkhur a ṭul dan te, ram leilung, lui leh nungchate'n an tuar loh nana leivung paihna hmun ruahman saah chauh paih a nih theih nan kawng laitu leh leivung paihtute inzirtir zel a pawimawh thu te tar lan a ni bawk.

He ṭhut khawmah hian Hrangchalkawn - Tlabung kawngpui (NH-54A & 302) chungchangah kawng ṭha a awm a, chak tak leh kan ram leilung leh chhehvel tana him tura hna thawh a nih theih nan heti ang hian ruahmanna siam a ni: