2711/2024-2025

Khawzawl, dated 28th October, 2024: Vawiin chawhma dar 11:00 a.m khan DC Meeting Hall-ah Khawzawl district chhunga sawrkar hmalakna hrang hrang endik tura lo kal, National Level Monitor for RD Schemes (NLM) hovin Khawzawl Deputy Commissioner, Pu K. Vanlalthiana leh office hrang hrang hotute leh aiawhte an thukhawm.

Endik tur hian Field Investigator pahnih, Pu Anil Kumar Sharma leh Pu Shailesh Kumar te an lo kal a, anni hian thutkhawmnaa lo kal te hnenah Khawzawl district chhunga scheme hrang hrang 11 endik turin an lo kal tih an sawi a, endikna mumal taka a kal theih nan office hrang hrang te thawhhona tha tak neihpui turin an sawm. Scheme hrang hrang hnuaia thil tih hlawhtlin tawh te leh hmalakna kal mek te hotute an zawt bawk a, endikna an neih dan tur te rel hovin khaw hrang hrang an tlawh dan tur te an rel ho bawk. DC Pu K. Vanlalthiana chuan NLM ti tura lo kal te chungah lawmthu a sawi a, line department hrang hrang te tha taka thawhpui turin a sawm bawk. He endikna hi Khawzawl district hmasawnna tur leh district office te ti tangtu a nih ngei a beisei thu a sawi bawk a ni.

He NLM hnuaiah hian khaw 10 endik tum a ni a, October ni 28 atanga November ni 4 chhunga endik zawh tum a ni. NLM hi Ministry of Rural Development hnuaia hmalakna a ni a, district hrang hrangah endikna an nei ang.