3479/2023-2024

Khawzawl, 24th January 2024: Vawiin khan Khawzawl DC Conference Hall-ah National Voters Day vawi 14-na January ni 25 a hman tur pualin Khawzawl District Election Office chuan Systematic Voters' Education and Electoral Participations (SVEEP) hnuaiah Quiz Competition a buatsaih.

Inelnaah hian Khawzawl khaw chhunga school paruk - Govt Khawzawl HSS, Govt Khawzawl HSS (Samagra Shiksha), Far East Experimental School, Khawzawl Vengthar Presbyterian English School, Govt Khawzawl High School leh Govt Model High School te an tel a. He hunah hian zirlai naupang ten EVM hnathawh an hriatthiam theih nan EVM Demonstration neih a ni bawk.

Inelna hi Electoral Literacy Club, Govt Khawzawl College ten an kaihruai a. Govt Khawzawl HSS (Samagra Shiksha) chu pakhatna an ni a, Govt. Model High School chu pahnihna an ni. Painting Competition leh Essay Competition result te hi naktuk hian puanchhuah a ni ang.

National Voters’ Day pual hian Khawzawl District Election Office hian Quiz Competition, Essay leh Painting Competition te a buatsaih a. Lawmman hi naktuka National Voters’ Day hmannaah sem chhuah a ni ang.