3480/2023-2024

Dated Siaha 24th January 2024: Vawiin khan District Playground, Vaihpi ah Member of Parliament (MP) inthlanpui lo awm tura hman tur Electronic Voting Machine (EVM) hman dan a taka mipuiten an lo hmuha an tih chhin theihna tura Siaha District chhung fang kual tura ruahman, EVM Mobile Demonstration Van chu Pu Lalhmunsanga Hnamte, District Election Officer (DEO) chuan a vailiam.

Pu Lalhmunsanga Hnamte chuan mipuiten vote thlak nana an hman thin EVM nihphung leh a khawl awmdan chiang zawk a an hriat chu thilpawimawh tak a ni, a ti a. EVM demonstration Van in a tum ber chu inthlanni a vote thlak chungchangah mipuite an buai loh nan inhrilhhriatna atan leh vote thlak dan lo inzir chhinna atana ruahman a ni a, mipuite pawhin lo ngaipawimawh hram hram turin a chah bawk.

Vawiin a EVM demonstration Van vailiam tak hian Thiahra Polling station a tlawh hmasa ber dawn a, MP inthlanpui neih hun tur puanfel a nih hmaiin Siaha District chhunga polling station zawng zawngte a thlawh chhuak dawn a ni.