3481/2023-2024

Lawngtlai dated 24th January 2024: Vawiin chawhma khan DRDO Conference Hall, Lawngtlaiah ‘National Girl Child Day 2024’ pual a hun hmanna chu Pu Abraham Beirazi Khithie, Addl. DC-in kaihruaiin hmeichhe naupang himna leh hmasawnna kawng an zawh nana hriattur pawimawh inzirtirna neih a ni a. Hemi pual a Slogan inziah siakna leh kum hmasa a zirlai titha zual 3 thlanchhuahte hnen ah chawimawhna thilpek hlanna hun hman a ni.

He hun a thusawitu Pu R.Lokeshwaran, IPS, SP, Lawngtlai chuan hmeichhe naupangte tan zirna a pawimawh thu leh zirna chuan thiamna leh zahawmna a ken tel piah lam ah eizawnna ngelnghet nei tur a thil tangkai tak a nih thu a sawi a. Zirna hmang hian mahni dikna chanvo humhim a nih theih bak ah huaisenna min petu pawimawh tak a nih thu a sawi bawk a ni.

Pi Jothansangi Tlau, Chief Juducial Magistrate pawhin he hun ah hian thusawiin dan tha tak tak hmangin hmeichhiate dikna chanvo chu venhim a nih tawh angin mahni inchhungkhur leh hnathawhna hmun emaw, zirna in ahte hmeichhe chung a hleilenna a thleng a nih chuan thuneitute hnen ah thlen nachnag hre turin kalkhawmte a chah a. Hmeichhiate chu mipa ang bawkin zirna leh hna zawnna ahte thuneihna thui tak an neih thu sawiin kum tling lova pasal neih emaw neih luih tirna chu dan kalh a nih bak ah an hma hun tichhe vek thei a nih thu hre reng turin a chah bawk a ni.

Kalkhawmna hian National Girl Child Day 2024 pual a thutiam lakna hun neih niin DAY-NULM hnuai a thiamthil nei tur a Training hrang hrang buatsaih a nih dan inhrilhhriatna hun neih a ni a. Pu Hepaw Hlychho, CDPO chuan kalkhamwte hnen ah lawmthu sawina hun a hmang bawk a ni.

Slogan Writing Competition-a lawmman dawngtute;

1st Prize : Rosangzuala Hlawnchhing Class XI, Jehova Jireh Hr, Secondary School lawngtlai

2nd Prize : HC lalchhungliana Class X, Jehova Jireh Hr, Secondary School lawngtlai

3rd Prize : Mesak H. Lalchhanhima, Class X, Jehova Jireh Hr, Secondary School lawngtlai

Local Girl Champion on Occasions of NGCD-2024;

7th Position : Ruth C lalengzuali Class-Xii, Arts 

6th Position : H. Vanlalrini Class Xii, Commerce

4th Position : Hmingthanzami, Class XII Science