747/2026-2027 

Dated Khawzawl, the 29^th May, 2026: Vawiin khan Bawrhsap Pu K. Vanlalthiana, NCORD Chairman ni bawk  kaihhruaiin DC Conference Hall-ah May thla atan Khawzawl District Narco Co-Ordination Centre (NCORD) meeting neih a ni a. NCORD meeting hmasaa thurel bawhzuinate thlir let niin, hma lak zel dan tur sawiho a ni.

Khawzawl SP Pu F. Lalbiakzauva, NCORD Member Convener ni bawk chuan drugs man dan report pein, NCORD meeting hnuhnung ber hnu khan Heroin gram 170, Rs. 34,60,000 man hu man a nih thu a tarlang a. Kumin chhung hian case 14 ziahluh tawh niin, mi 25 man an ni tawh a. Heroin gram 521, Rs. 1,03,08,000 man hu leh Methemphetamine kg 13.87, Rs. 11,09,60,000 man hu man tawh a nih thu a tarlang bawk. 

June thla chhung hian Biate leh Sialhawkahte awareness campaign nei tura ruahmnna siam a ni a. Khawzawl district-a Drug Free Village-a thlan Tlangmawi khuaah pawh joint inspection leh verification SDO Pu Chandrakant Bagoria hovin neih a ni tawh a. Anti-Tobacco Squad hmalakna hrang hrangte ngaihthlak a ni bawk.

Khawzawl district hi Mizoram chhunga NCORD dedicated helpline number nei awm chhun a ni a, a number chu 8119080266 niin, hemi number-ah hian mipuite chu ruihhlo kaihnawih thil reng reng report tura ngen an ni.