748/2026-2027

Dated : Mamit the 26th of May, 2026 : Vawiin khan DRDO Conference Hall, Mamitah 3-Mamit AC huam chhunga Booth Level Agents (Political Party) te tan Special Intensive Revision (SIR) kalpuina tura roll dik leh felfai kan neihna tura tihtur leh hriattur hrang hrangah zirtirna neih a ni a. Pi Carolyn LB.Khiangte, Addl. District Election Officer/ERO 3-Mamit AC chuan training hi a hawng.

Pi Carolyn LB. Khiangte chuan India ram puma SIR kalpuina turah Roll dik leh felfai tak kan neihna turin Political Party hrang hrangte kan pawimawh hle dawn a, kan huam chhung theuha Booth Level Officer (BLO) te a tul dan a zir zela thawhpui thiam tur leh infinchhuah tawn tlan pawh a tul dawn thu sawiin, SIR chungchang midangte hrilhhriat kawngah pawh theihtawpchhuah tura chahin mithiam zawkte atanga tha taka training turin a ngen bawk.

Pi C. Lalchhandami, SDC leh Pu Lalruatpuia, SDC te'n  Special Intensive Revision kalpuina atana Political Party te hriattur hrang hrangah chipchiar takin zirtirna an pe a ni.

Vawiin training Mamit-a neih rual hian District chhung 1-Hachhek AC, 2-Dampa AC huam chhung Zawlnuam, Kawrthah, W. Phaileng leh Reiek bakah Polling station thenkhata Bialtu BLO ten an nei bawk a ni.

Tarlan tawh angin Mamit District chhunga Special Intensive Revision (SIR) kalpuina atan hian Booth Level Officer (BLO) te chuan Ni 30th May - Ni 28th June, 2026 chhungin intin dapin hma an la tan dawn a. Harsatna nei tan DEO, ERO, AERO office tinah zawhfiah theih reng an ni e.