2389/2023-2024

Khawzawl, 20th October 2023: Vawiin khan Khawzawl District-a Assembly Constituency awmchhun - 22-Tuichang (ST) AC huamchhung Polling Station hrang hranga inthlan buaipuitu tur - Polling Officials te tan Govt. Khawzawl High School-ah Training buatsaih a ni.

Training hi Polling Official - Presiding Officer, Assistant PRO leh Polling Officer te tan buatsaih a ni a. State Level Master Trainer Pi V. Lalmuanpuii( Project Director, DRDO), Pi Lalhruaitluangi (SDO Sadar) bakah District Level Master Trainer Pu Elijah LH Sanga (SDC), Dr Lalliantluanga Ralte leh Pi PC Lalhmingtluangi ( Asst Professor, Govt. Khawzawl College) ten kalkhawmte hi thupui hrang hrangah zirtirna an pe a. Training hi tum hnih dang buatsaih leh a ni ang.

Tuichang AC huamchhungah hian Polling Station 28 a awm a; reserve-a awm te nen Presiding Officer (PRO) 35,  Assistant PRO (APRO) 35 leh  Polling Officer 70 an awm a. Kumin Inthlanpuiah hian hmeichhia vekin an vil tur ‘Pink Polling Station’ 3 - Khawzawl Kawnzar, Arro leh Khawzawl Zuchhip bakah thalai hlangin an vil tur ‘All Youth Manage Polling Station’ 1 - Khawhai I te  a awm dawn a ni.